"Aston Villa" bosh murabbiyi etib tayinlangan 50 yoshli ispaniyalik mutaxassis Unai Emeri yangi klubida ajoyib shartnomaga ega bo‘ldi, deb yozadi nufuzli italiyalik jurnalist Fabrisio Romano tvitterda.
Manbaga ko‘ra, Emerining maoshi yiliga 7 million yevroni tashkil qiladi. Shu bilan birga, uning sobiq klubi “Vilyarreal” mutaxassis ketgani uchun 6 million yevro miqdorida tovon puli oladi. Unai 1 noyabrdan boshlab ingliz klubida ishlashni boshlaydi, ya’ni ish ruxsatnomasini olish uchun barcha rasmiyatchiliklar amalga oshirilgach.
Emeri shu paytgacha Ispaniyaning “Vilyarreal” jamoasini boshqarib kelgan. Klub bilan u 2021/2022 yilgi mavsumda Yevropa ligasida g‘olib chiqdi.
