"Астон Вилла" бош мураббийи этиб тайинланган 50 ёшли испаниялик мутахассис Унаи Эмери янги клубида ажойиб шартномага эга бўлди, деб ёзади нуфузли италиялик журналист Фабрицио Романо твиттерда.
Манбага кўра, Эмерининг маоши йилига 7 миллион еврони ташкил қилади. Шу билан бирга, унинг собиқ клуби “Вильярреал” мутахассис кетгани учун 6 миллион евро миқдорида товон пули олади. Унаи 1 ноябрдан бошлаб инглиз клубида ишлашни бошлайди, яъни иш рухсатномасини олиш учун барча расмиятчиликлар амалга оширилгач.
Эмери шу пайтгача Испаниянинг “Вильярреал” жамоасини бошқариб келган. Клуб билан у 2021/2022 йилги мавсумда Европа лигасида ғолиб чиқди.
