Amsterdamning “Ayaks” klubi yarim himoyachisi Edson Alvares haliyam “Chelsi”ning qiziqishlari doirasida.
Eslatib o‘tamiz, "ko‘klar" yozgi transfer oynasining so‘nggi kunlarida meksikalik futbolchini qo‘lga kiritishni istashdi, ammo "Ayaks" o‘z futbolchisini qo‘yib yubormadi.
Jurnalist Fabrisio Romanoning fikricha, "Chelsi" qishda yana Alvaresni "Ayaks"dan sotib olishga urinib ko‘radi. Muvaffaqiyatga erishish imkoniyati yozdagiga qaraganda ancha yuqori, ammo Amsterdam klubi meksikalikni mavsum oxirigacha saqlab qolish niyatida.
Avvalroq Alvaresga "Barselona" ham qiziqish bildirayotgani haqida xabarlar tarqalgan edi, biroq ispan klubi futbolchining transferi bilan kelasi yozda shug‘ullanmoqchi.
