Амстердамнинг “Аякс” клуби ярим ҳимоячиси Эдсон Альварес ҳалиям “Челси”нинг қизиқишлари доирасида.
Эслатиб ўтамиз, "кўклар" ёзги трансфер ойнасининг сўнгги кунларида мексикалик футболчини қўлга киритишни исташди, аммо "Аякс" ўз футболчисини қўйиб юбормади.
Журналист Фабрицио Романонинг фикрича, "Челси" қишда яна Альваресни "Аякс"дан сотиб олишга уриниб кўради. Муваффақиятга эришиш имконияти ёздагига қараганда анча юқори, аммо Амстердам клуби мексикаликни мавсум охиригача сақлаб қолиш ниятида.
Аввалроқ Альваресга "Барселона" ҳам қизиқиш билдираётгани ҳақида хабарлар тарқалган эди, бироқ испан клуби футболчининг трансфери билан келаси ёзда шуғулланмоқчи.
