"Liverpul"ga yangi kelgan Darvin Nunyes joriy mavsumda APLning eng tezkor futbolchisi bo‘ldi.

Squawka nashri xabariga ko‘ra, joriy mavsumda hujumchi 35,5 km/soat tezlikka erishgan. Bu ko‘rsatkich bo‘yicha ikkinchi o‘rinni joriy mavsumning eng yaxshi to‘purari Erling Xoland egalladi. “Manchester Siti”ning markaziy hujumchisi uchrashuvlarning birida 35,2 km/soat tezlikda yugurdi.

Eslatib o‘tamiz, Darvin yozgi transfer oynasida Lissabonning "Benfika" klubidan "Liverpul"ga o‘tgan edi. Uning transferi "mersisaydliklar"ga 80 million yevroga tushdi.

23 yoshli futbolchi joriy mavsum "qizillar" safida 12 ta o‘yinda maydonga tushib, 5 ta gol va 1 ta golli uzatmaga mualliflik qilgan.