"Ливерпул"га янги келган Дарвин Нуньес жорий мавсумда АПЛнинг энг тезкор футболчиси бўлди.
Squawka нашри хабарига кўра, жорий мавсумда ҳужумчи 35,5 км/соат тезликка эришган. Бу кўрсаткич бўйича иккинчи ўринни жорий мавсумнинг энг яхши тўпурари Эрлинг Холанд эгаллади. “Манчестер Сити”нинг марказий ҳужумчиси учрашувларнинг бирида 35,2 км/соат тезликда югурди.
Эслатиб ўтамиз, Дарвин ёзги трансфер ойнасида Лиссабоннинг "Бенфика" клубидан "Ливерпул"га ўтган эди. Унинг трансфери "мерсисайдликлар"га 80 миллион еврога тушди.
23 ёшли футболчи жорий мавсум "қизиллар" сафида 12 та ўйинда майдонга тушиб, 5 та гол ва 1 та голли узатмага муаллифлик қилган.
