Superliga 23-turidan o‘rin olgan «Metallurg» – «Neftchi» (1:0) o‘yinidan so‘ng mezbonlar bosh murabbiyi jamoasi nima evaziga g‘alaba qozongani, «Neftchi»ning ikkinchi davradagi o‘yini va Muhammadali Aliqulovning jarohati haqida gapirdi.

«Raqib yaxshi shakllangan va rejali o‘yin namoyish etishini bilar edik. Bugun to‘p bilan muomala qilishda raqibdan ustunlik qildik va bu bizning g‘alabamiz garovi bo‘ldi.

Oldingi aytgan so‘zlarimning isboti bo‘ldiki, yoshlar bilan o‘ynash doim yaxshi natija beradi. «Neftchi»ning ikkinchi davradagi o‘yinlarini e’tirof etish kerak. Jamoa ikkinchi davrada natijaga erishayapti. Qolaversa, ular safida birinchi davrada bizda o‘ynagan futbolchilar o‘ynadi va ularni alohida tabriklayman.

Muhammadali Aliqulov biroz jarohat olgan, shu bois, uning pozisiyasida bugun Ibrohim o‘ynadi. Umuman, bugun maydonga tushgan barcha futbolchilar yaxshi o‘yin ko‘rsatishdi.

Barchaga gol urgan o‘yinchi boshqacha ko‘rinadi. Bektemir bugun rostdan ham yaxshi o‘ynadi. Ammo, boshqalarni ham e’tirof etish kerak», - dedi Ernandes.