Madridning “Real” klubi markaziy himoyachisi Antonio Ryudiger UYEFA Chempionlar ligasi guruh bosqichi 5-turi doirasida “Leypsig”ga qarshi safardagi o‘yindagi mag‘lubiyat haqida fikr bildirdi. Ispaniya grandi Germaniyada 2:3 hisobida imkoniyatni boy berdi.
“Biz o‘yin boshida "uxlab" qoldik. Burchak to‘plaridan keyin ikkita gol o‘tkazib yubordik, shundan so‘ng o‘yinga qaytish juda qiyin bo‘ldi. Raqib esa aksincha kuchayib bordi. Lekin o‘zimiz uchun bahona izlamasligimiz kerak. "Real" g‘alaba qozonishni xohladi, ammo muvaffaqiyatsiz bo‘ldi", - dedi futbolchi UYEFA matbuot xizmatiga.
So‘nggi tur oldidan “Real” o‘n ochko bilan guruhda peshqadamlik qilmoqda. So‘nggi uchrashuvda "qaymoqranglilar" o‘z maydonida "Seltik" bilan to‘qnash kelishadi.
