Мадриднинг “Реал” клуби марказий ҳимоячиси Антонио Рюдигер УЕФА Чемпионлар лигаси гуруҳ босқичи 5-тури доирасида “Лейпциг”га қарши сафардаги ўйиндаги мағлубият ҳақида фикр билдирди. Испания гранди Германияда 2:3 ҳисобида имкониятни бой берди.
“Биз ўйин бошида "ухлаб" қолдик. Бурчак тўпларидан кейин иккита гол ўтказиб юбордик, шундан сўнг ўйинга қайтиш жуда қийин бўлди. Рақиб эса аксинча кучайиб борди. Лекин ўзимиз учун баҳона изламаслигимиз керак. "Реал" ғалаба қозонишни хоҳлади, аммо муваффақиятсиз бўлди", - деди футболчи УЕФА матбуот хизматига.
Сўнгги тур олдидан “Реал” ўн очко билан гуруҳда пешқадамлик қилмоқда. Сўнгги учрашувда "қаймоқранглилар" ўз майдонида "Селтик" билан тўқнаш келишади.
