Superliga 23-turidan o‘rin olgan «Qo‘qon-1912» – «So‘g‘diyona» (2:1) o‘yinidan so‘ng mehmonlar ustozi Ulug‘bek Baqoyev, so‘nggi o‘yinlarda jamoasi o‘ziga bo‘lgan ishonchni yo‘qotgani va futbolchilarga so‘nggi o‘yinlardagi natijalar qattiq ta’sir o‘tkazganini aytdi.

"Futbolchilar bugun g‘alaba qozonishni xohlashgandi. Sen urmasang, senga urishadi deb bekorga aytishmaydi. Hisob 1:1 bo‘lib turgan vaziyatda ikkita yaxshi imkoniyatdan foydalana olmadik, raqib esa gol urdi. G‘alaba bilan ularni tabriklayman”, - dedi Baqoyev.

So‘nggi o‘yinlardagi bunday natijalarga futbolchilardagi ruhiy charchoq va o‘zlariga bo‘lgan ishonch yo‘qolishi kabi faktorlar sabab bo‘lishi mumkin. So‘nggi uchrashuvlarda muvaffayaqiyatsiz natijalarni murabbiylar shtabi va futbolchilar og‘ir qabul qildi. O‘yin bo‘yicha yutqazsak ham boshqa gap edi”, — dedi Baqoyev.