"Manchester Yunayted" bosh murabbiyi Erik ten Xag Xarri Maguayrning jarohatidan forig‘ bo‘lishi haqida fikr bildirdi.

“Maguayr har doim muhim futbolchi bo‘lib qoladi. U jarohatidan forig‘ bo‘ldi, bundan xursandman. U tez orada yana o‘ynaydi, lekin bu mashg‘ulotlarga bog‘liq. Xarrining fazilatlariga kelsak, muammo yo‘q. U ajoyib o‘yinchi va bizga foydali bo‘lish qobiliyatiga ega.

Maguayrning Angliya terma jamoasining jahon chempionatida ishtirok etishi yoki bo‘lmasligiga qiziqishingizni tushunaman, lekin biz faqat "Manchester Yunayted"ga qaraymiz. Biz natijaga erishib, yaxshi o‘yin ko‘rsatishimiz kerak”, - deydi ten Xag.