Madridning “Atletiko” klubi bosh murabbiyi Diyego Simeone kelajagi borasidagi rejalari haqida gapirdi.

Eslatib o‘tamiz, kecha "matraschilar" Leverkuzenning "Bayer" jamoasi bilan durang o‘ynadi va Chempionlar ligasida guruhdan chiqish imkoniyatidan deyarli mahrum bo‘ldi. “Atletiko” o‘z guruhida “dorichilar”dan tashqari, “Bryugge” va pley-off yo‘llanmasini qo‘lga kiritgan “Portu” jamoalari bilan bahs olib bordi.

"Atletiko"ni tark etamanmi? Yo‘q, men klubda qolaman, garchi bu jamoadagi murabbiylik faoliyatimdagi eng qiyin payt bo‘lsa-da. Kelajakda bizga yetishmayotgan narsani yutish uchun qolaman. Masalan, Chempionlar ligasi”, - dedi Simeone o‘yindan keyin o‘tkazilgan matbuot anjumanida.

Ispaniya La Ligasida "Atletiko" uchinchi o‘rinda bormoqda.