Мадриднинг “Атлетико” клуби бош мураббийи Диего Симеоне келажаги борасидаги режалари ҳақида гапирди.
Эслатиб ўтамиз, кеча "матрасчилар" Леверкузеннинг "Байер" жамоаси билан дуранг ўйнади ва Чемпионлар лигасида гуруҳдан чиқиш имкониятидан деярли маҳрум бўлди. “Атлетико” ўз гуруҳида “доричилар”дан ташқари, “Брюгге” ва плей-офф йўлланмасини қўлга киритган “Порту” жамоалари билан баҳс олиб борди.
"Атлетико"ни тарк этаманми? Йўқ, мен клубда қоламан, гарчи бу жамоадаги мураббийлик фаолиятимдаги энг қийин пайт бўлса-да. Келажакда бизга етишмаётган нарсани ютиш учун қоламан. Масалан, Чемпионлар лигаси”, - деди Симеоне ўйиндан кейин ўтказилган матбуот анжуманида.
Испания Ла Лигасида "Атлетико" учинчи ўринда бормоқда.
