Futbolchi sifatida to‘qqiz yildan ortiq Ispaniya klublarida to‘p surgan Leverkuzenning “Bayer” klubi bosh murabbiyi Xabi Alonso Chempionlar ligasining joriy mavsumida ona yurti jamoalarining muvaffaqiyatsizliklari haqida gapirdi.
Mutaxassis ispan futbolining butun tizimini faqat bir mavsumga qarab baholamaslikka chaqirdi. Alonso turnirda klublari ishtirok etayotgan boshqa mamlakatlar chempionatlari rivojlanib borayotganini qayd etdi.
“Ispan futbolining sifatini inkor etib bo‘lmaydi va unga hayrat bilan qarashadi. Bu yil to‘rt jamoadan faqat bittasi keyingi bosqichga chiqdi. Bu nimadir noto‘g‘ri bo‘lganini anglatadi, lekin men tafsilotlarga to‘xtalib o‘tirmayman, qilishim kerak bo‘lgan ishim yetarli", - dedi murabbiy Marca bilan suhbatda.
