Футболчи сифатида тўққиз йилдан ортиқ Испания клубларида тўп сурган Леверкузеннинг “Байер” клуби бош мураббийи Хаби Алонсо Чемпионлар лигасининг жорий мавсумида она юрти жамоаларининг муваффақиятсизликлари ҳақида гапирди.
Мутахассис испан футболининг бутун тизимини фақат бир мавсумга қараб баҳоламасликка чақирди. Алонсо турнирда клублари иштирок этаётган бошқа мамлакатлар чемпионатлари ривожланиб бораётганини қайд этди.
“Испан футболининг сифатини инкор этиб бўлмайди ва унга ҳайрат билан қарашади. Бу йил тўрт жамоадан фақат биттаси кейинги босқичга чиқди. Бу нимадир нотўғри бўлганини англатади, лекин мен тафсилотларга тўхталиб ўтирмайман, қилишим керак бўлган ишим етарли", - деди мураббий Marca билан суҳбатда.
