"Nyukasl" yarim himoyachisi Bruno Gimaraesh uchun Yevropa grandlari jiddiy kurash olib bormoqda.
The Sun xabariga ko‘ra, "Real", "Barselona" va "Chelsi"dan tashqari, "Yuventus" ham futbolchiga da’vogarlik qilmoqda, chunki "keksa sinyora"ning amaldagi murabbiyi Massimiliano Allegri 24 yoshli braziliyalikning o‘yinidan qoyil qolgan va uni jamoada ko‘rishni istaydi. Xabar qilinishicha, klub kelajakdagi transferni moliyalashtirish uchun hatto Ueston Makkennini sotishi ham mumkin.
Shu bilan birga, "Nyukasl" rahbariyati o‘z yarim himoyachisiga Yevropaning top-klublaridan qiziqish bildirayotganidan xabardor. Shu boisdan klub rahbarlari braziliyalikni yaxshilangan shartlar asosida yangi shartnoma taklif qilib, o‘z uyida saqlab qolishni kutishmoqda. OAV ma’lumotlariga ko‘ra, "qarg‘alar" futbolchiga haftasiga 230 ming yevro atrofida maosh taklif qilmoqchi.
Gimaraesh joriy mavsumda “Nyukasl” safida Premyer-ligada 9 ta o‘yinda maydonga tushib, 2 ta gol urdi va 2 ta golli uzatmani amalga oshirdi.
