"Ньюкасл" ярим ҳимоячиси Бруно Гимараэш учун Европа грандлари жиддий кураш олиб бормоқда.
The Sun хабарига кўра, "Реал", "Барселона" ва "Челси"дан ташқари, "Ювентус" ҳам футболчига даъвогарлик қилмоқда, чунки "кекса синьора"нинг амалдаги мураббийи Массимилиано Аллегри 24 ёшли бразилияликнинг ўйинидан қойил қолган ва уни жамоада кўришни истайди. Хабар қилинишича, клуб келажакдаги трансферни молиялаштириш учун ҳатто Уэстон Маккеннини сотиши ҳам мумкин.
Шу билан бирга, "Ньюкасл" раҳбарияти ўз ярим ҳимоячисига Европанинг топ-клубларидан қизиқиш билдираётганидан хабардор. Шу боисдан клуб раҳбарлари бразилияликни яхшиланган шартлар асосида янги шартнома таклиф қилиб, ўз уйида сақлаб қолишни кутишмоқда. ОАВ маълумотларига кўра, "қарғалар" футболчига ҳафтасига 230 минг евро атрофида маош таклиф қилмоқчи.
Гимараэш жорий мавсумда “Ньюкасл” сафида Премьер-лигада 9 та ўйинда майдонга тушиб, 2 та гол урди ва 2 та голли узатмани амалга оширди.
