Angliyaning “Manchester Yunayted” klubi bosh murabbiyi Erik ten Xag 30 oktyabr kuni Toshkent vaqti bilan 21:15 da bo‘lib o‘tadigan “Vest Xem”ga qarshi o‘yin oldidan o‘tkazilgan matbuot anjumanida tarkib tanlashi haqida gapirdi.
"Ha, bilaman, ba’zi odamlar buni shunday ko‘rishadi, lekin men tarkiblarni turnir bo‘yicha ajratmayman. Menda Premyer-liga uchun bitta Yevropa ligasi uchun boshqa tarkib yo‘q. Men faqat raqibga qarayman va unga qarshi bizga nima kerakligini baholayman. Hozir bor e’tiborimizni “Vest Xem”ga qaratganmiz. Yaqin orada asosiy tarkibni tanlayman.
Bu o‘yinda g‘alaba qozonish uchun cho‘ntagimizda ham A rejasi ham, B rejasi ham bo‘lishi kerak. Bizni bir narsa qiziqtiradi - g‘alaba. Buning uchun esa "Manchester Yunayted"ga nafaqat 11 nafar futbolchi, balki butun jamoa kerak", - ten Xag so‘zlarini keltiradi klub rasmiy sayti.