Англиянинг “Манчестер Юнайтед” клуби бош мураббийи Эрик тен Хаг 30 октябрь куни Тошкент вақти билан 21:15 да бўлиб ўтадиган “Вест Хэм”га қарши ўйин олдидан ўтказилган матбуот анжуманида таркиб танлаши ҳақида гапирди.
"Ҳа, биламан, баъзи одамлар буни шундай кўришади, лекин мен таркибларни турнир бўйича ажратмайман. Менда Премьер-лига учун битта Европа лигаси учун бошқа таркиб йўқ. Мен фақат рақибга қарайман ва унга қарши бизга нима кераклигини баҳолайман. Ҳозир бор эътиборимизни “Вест Хэм”га қаратганмиз. Яқин орада асосий таркибни танлайман.
Бу ўйинда ғалаба қозониш учун чўнтагимизда ҳам A режаси ҳам, B режаси ҳам бўлиши керак. Бизни бир нарса қизиқтиради - ғалаба. Бунинг учун эса "Манчестер Юнайтед"га нафақат 11 нафар футболчи, балки бутун жамоа керак", - тен Хаг сўзларини келтиради клуб расмий сайти.