“Manchester Yunayted” hujumchisi Antoni Yevropa ligasi guruh bosqichi 5-turi doirasida “Sherif”ga qarshi o‘yindagi finti haqida gapirdi.

“Braziliyaliklar butun dunyoda maydonda shou ko‘rsatishi bilan tanilgan. Men buni qilishni to‘xtatmayman. Aynan mana shunday lahzalar meni hozirgi holatimga yetakladi”, — deyiladi futbolchining ijtimoiy tarmoqdagi postida.

Eslatib o‘tamiz, o‘yin Manchesterdagi "Old Trafford" stadionida bo‘lib o‘tdi va mankunianliklarning 3:0 hisobidagi yirik g‘alabasi bilan yakunlandi.