"Manchester Siti" bosh murabbiyi Xosep Gvardiola hujumchi Erling Xolandning ahvoli haqida gapirdi. Norvegiyalik futbolchi APL doirasidagi “Lester” bilan o‘yinni o‘tkazib yubordi, bu o‘yinda “shaharliklar” 1:0 hisobida g‘alaba qozondi.

“U qachon maydonga qaytishini bilmayman. Xoland Chempionlar ligasida jarohat olgan. U o‘zini yaxshi his qilmoqda, bizda bir hafta bor.

U "Sevilya"ga qarshi o‘ynamaydi, chunki biz allaqachon pley-off yo‘llanmasini qo‘lga kiritganmiz. Umid qilamanki, Erling “Fulxem”ga qarshi o‘yinda bizga yordam bera oladi. Aks holda, hujumchi Liga kubogida "Chelsi" bilan o‘ynay oladi" - deya Gvardiolaning so‘zlaridan iqtibos keltiradi BBC.

Joriy mavsumda Xoland “Manchester Siti” safida barcha turnirlar doirasida 16 ta o‘yinda maydonga tushib, 22 ta gol urdi va 3 ta golga assistentlik qildi.