"Манчестер Сити" бош мураббийи Хосеп Гвардиола ҳужумчи Эрлинг Холанднинг аҳволи ҳақида гапирди. Норвегиялик футболчи АПЛ доирасидаги “Лестер” билан ўйинни ўтказиб юборди, бу ўйинда “шаҳарликлар” 1:0 ҳисобида ғалаба қозонди.

“У қачон майдонга қайтишини билмайман. Холанд Чемпионлар лигасида жароҳат олган. У ўзини яхши ҳис қилмоқда, бизда бир ҳафта бор.

У "Севилья"га қарши ўйнамайди, чунки биз аллақачон плей-офф йўлланмасини қўлга киритганмиз. Умид қиламанки, Эрлинг “Фулхэм”га қарши ўйинда бизга ёрдам бера олади. Акс ҳолда, ҳужумчи Лига кубогида "Челси" билан ўйнай олади" - дея Гвардиоланинг сўзларидан иқтибос келтиради BBC.

Жорий мавсумда Холанд “Манчестер Сити” сафида барча турнирлар доирасида 16 та ўйинда майдонга тушиб, 22 та гол урди ва 3 та голга ассистентлик қилди.