"Tottenxem" bosh murabbiyi Antonio Konte klub bilan yangi shartnoma borasida muhokama qilishni rejalashtirmayapti.

Amaldagi shartnoma mavsum oxirida tugaydi. Ingliz manbalari "shporlar" rahbariyati va italiyaliklar o‘rtasidagi muzokaralar jahon chempionati uchun tanaffus vaqtida boshlanishini ma’lum qilishdi, ammo nufuzli insayder Devid Ornshteyn bu ma’lumotni rad etdi.

Uning so‘zlariga ko‘ra, tomonlar o‘rtasida yaqin vaqt ichida kelishuvga erishish ehtimoli nihoyatda past va mutaxassisning shartnomasi oxir-oqibat uzaytirilgan taqdirda ham bu mavsum oxirida sodir bo‘ladi.

Antonio Konte o‘tgan yilning noyabr oyidan beri "Tottenxem"ni boshqarib kelmoqda. Mish-mishlar 53 yoshli murabbiyning "Yuventus"ga qaytishini ko‘rsatmoqda.