"Тоттенхэм" бош мураббийи Антонио Конте клуб билан янги шартнома борасида муҳокама қилишни режалаштирмаяпти.

Амалдаги шартнома мавсум охирида тугайди. Инглиз манбалари "шпорлар" раҳбарияти ва италияликлар ўртасидаги музокаралар жаҳон чемпионати учун танаффус вақтида бошланишини маълум қилишди, аммо нуфузли инсайдер Девид Орнштейн бу маълумотни рад этди.

Унинг сўзларига кўра, томонлар ўртасида яқин вақт ичида келишувга эришиш эҳтимоли ниҳоятда паст ва мутахассиснинг шартномаси охир-оқибат узайтирилган тақдирда ҳам бу мавсум охирида содир бўлади.

Антонио Конте ўтган йилнинг ноябрь ойидан бери "Тоттенхэм"ни бошқариб келмоқда. Миш-мишлар 53 ёшли мураббийнинг "Ювентус"га қайтишини кўрсатмоқда.