Agar hujumchi Usmon Dembele jamoa bilan shartnomasini uzaytirishdan bosh tortsa, "Barselona" "Vilyarreal" hujumchisi Nikolas Jekson bilan shartnoma imzolamoqchi. 25 yoshli fransiyalik futbolchining shartnomasida tovon puli 50 million yevro bo‘lib, uni Yevropaning istalgan top-klubi bemalol faollashtirishi mumkin. Bu haqda Mundo Deportivo xabar bermoqda.
Manbaga ko‘ra, "Barselona" 21 yoshli Jeksonni yanvar oyida arzonlashtirilgan narxda sotib olmoqchi yoki unga oldindan shartnoma taklif qilmoqchi.
Hujumchining “Vilyarreal” bilan shartnomasi 2023 yilning yozida yakuniga yetadi. Joriy mavsumda u 19 o‘yinda 3 ta gol va 2 ta golli uzatmani amalga oshirdi.
