Milanning “Inter” klubi hujumchisi Romelu Lukaku yana jarohat oldi.
Jurnalist Fabrisio Romano xabariga ko‘ra, hujumchi Belgiya terma jamoasida o‘ynashi kerak bo‘lgan Jahon chempionati boshlanishidan oldin "neradzurrilar"ning qolgan o‘yinlarini o‘tkazib yuboradi.
O‘tgan kuni Romelu mushaklaridan jarohat oldi, bu esa uni bir necha haftaga safdan chiqardi. Bungacha belgiyalik futbolchi mavsum boshida olgan navbatdagi jarohati tufayli uzoq muddatga safdan chiqqandi.
Maydonga qaytgan Lukaku zaxiradan maydonga tushganidan keyin "Viktoriya" darvozasiga gol urdi. Umuman olganda, hujumchi joriy mavsumda barcha musobaqalarda ikkita gol urdi.
