Миланнинг “Интер” клуби ҳужумчиси Ромелу Лукаку яна жароҳат олди.

Журналист Фабрицио Романо хабарига кўра, ҳужумчи Бельгия терма жамоасида ўйнаши керак бўлган Жаҳон чемпионати бошланишидан олдин "нерадзуррилар"нинг қолган ўйинларини ўтказиб юборади.

Ўтган куни Ромелу мушакларидан жароҳат олди, бу эса уни бир неча ҳафтага сафдан чиқарди. Бунгача бельгиялик футболчи мавсум бошида олган навбатдаги жароҳати туфайли узоқ муддатга сафдан чиққанди.

Майдонга қайтган Лукаку захирадан майдонга тушганидан кейин "Виктория" дарвозасига гол урди. Умуман олганда, ҳужумчи жорий мавсумда барча мусобақаларда иккита гол урди.