"Barselona" hujumchisi Robert Levandovski jamoaning joriy mavsumdagi natijalari haqida fikr bildirdi.
Eslatib o‘tamiz, Ispaniya chempionatida "ko‘k-anorranglilar" ikkinchi pog‘onada va peshqadam "Real"dan bir ochko ortda qolmoqda, ammo Chempionlar ligasida jamoa "Bavariya", "Inter" va "Viktoriya" jamoalari bilan bir guruhdan joy olib, guruh bosqichidan chiqa olmadi.
"So‘nggi bir necha yil ichida "Barselona" boshidan kechirgan hamma narsani hisobga olsak, bir oy ichida hammasi o‘zgarishini kutish mumkin emas. Vaqt o‘tishi bilan biz albatta oldinga siljiymiz. Balki biz yana dunyoning eng zo‘riga aylanarmiz", - dedi Levandovski Mundo Deportivo bilan suhbatda.
Eslatib o‘tamiz, Levandovski joriy mavsum La Ligada 13 ta gol urdi va 4 ta golli uzatmani amalga oshirdi. Polshalik hujumchi chempionat to‘purarlari poygasida peshqadamlik qilmoqda.
