"Барселона" ҳужумчиси Роберт Левандовски жамоанинг жорий мавсумдаги натижалари ҳақида фикр билдирди.
Эслатиб ўтамиз, Испания чемпионатида "кўк-анорранглилар" иккинчи поғонада ва пешқадам "Реал"дан бир очко ортда қолмоқда, аммо Чемпионлар лигасида жамоа "Бавария", "Интер" ва "Виктория" жамоалари билан бир гуруҳдан жой олиб, гуруҳ босқичидан чиқа олмади.
"Сўнгги бир неча йил ичида "Барселона" бошидан кечирган ҳамма нарсани ҳисобга олсак, бир ой ичида ҳаммаси ўзгаришини кутиш мумкин эмас. Вақт ўтиши билан биз албатта олдинга силжиймиз. Балки биз яна дунёнинг энг зўрига айланармиз", - деди Левандовски Mundo Deportivo билан суҳбатда.
Эслатиб ўтамиз, Левандовски жорий мавсум Ла Лигада 13 та гол урди ва 4 та голли узатмани амалга оширди. Польшалик ҳужумчи чемпионат тўпурарлари пойгасида пешқадамлик қилмоқда.
