"Manchester Yunayted" "Real"dan ijara asosida o‘ynayotgan "Milan"ning 23 yoshli yarim himoyachisi Braim Diasga qiziqish bildirmoqda. Mankunianliklar "Manchester Siti"ning sobiq futbolchisi uchun 55 million yevro berishga tayyor, deya xabar beradi El Nacional.
Braim Dias va "Milan" o‘rtasidagi kelishuv mavsum oxirida yakuniga yetadi. Italiya jamoasi futbolchini 22 million yevroga sotib olish imkoniyatiga ega, ammo Madridning “Real” klubi futbolchining shartnomasini 30 million yevroga qayta sotib olishi mumkin. Ma’lum qilinishicha, ispan klubi Diasni shartnomasi kelasi yilning yozida tugaydigan Marko Asensio o‘rniga o‘rinbosar sifatida ko‘rmoqda.
Dias joriy mavsumda barcha turnirlar doirasida 14 ta o‘yinda 4 ta gol urdi va golli uzatma berdi.