"Barselona" bosh murabbiyi Xavi Qatarda bo‘lib o‘tadigan jahon chempionati oldidan futbolchilarining jarohat olish xavfi haqida fikr bildirdi, shuningdek, qishki transfer oynasida Kataloniya klubining ehtimoliy xaridlari haqida gapirdi.
"Har doim jarohat olish xavfi bor, lekin men futbolchilarga bunday narsa haqida o‘ylamaslikni aytdim. Shaxsan men uchun har bir uchrashuvda maydonga tushganim yaxshiroq bo‘lardi. Axir ular JCH oldidan terma jamoa joylashgan joyda jarohat olishlari mumkin. Biz har bir o‘yinda 100 foiz borimizni berishimiz kerak.
Transferlarmi? Bu haqda gapirishga hali erta. Oldinda uchta o‘yin, keyin esa qishki transfer oynasini rejalashtirish uchun bir yarim oy bor. Biz prezident va sport rahbariyati bilan o‘tirib, yangi futbolchilar bilan shartnoma imzolay olamizmi, ko‘ramiz. Shuning uchun biz hech narsani istisno qilmaymiz", - deya Xavining so‘zlarini keltiradi Mundo Deportivo.
