"Барселона" бош мураббийи Хави Қатарда бўлиб ўтадиган жаҳон чемпионати олдидан футболчиларининг жароҳат олиш хавфи ҳақида фикр билдирди, шунингдек, қишки трансфер ойнасида Каталония клубининг эҳтимолий харидлари ҳақида гапирди.
"Ҳар доим жароҳат олиш хавфи бор, лекин мен футболчиларга бундай нарса ҳақида ўйламасликни айтдим. Шахсан мен учун ҳар бир учрашувда майдонга тушганим яхшироқ бўларди. Ахир улар ЖЧ олдидан терма жамоа жойлашган жойда жароҳат олишлари мумкин. Биз ҳар бир ўйинда 100 фоиз боримизни беришимиз керак.
Трансферларми? Бу ҳақда гапиришга ҳали эрта. Олдинда учта ўйин, кейин эса қишки трансфер ойнасини режалаштириш учун бир ярим ой бор. Биз президент ва спорт раҳбарияти билан ўтириб, янги футболчилар билан шартнома имзолай оламизми, кўрамиз. Шунинг учун биз ҳеч нарсани истисно қилмаймиз", - дея Хавининг сўзларини келтиради Mundo Deportivo.
