“Roma” A Seriyada 4-o‘rinni egallab turibdi.
Joze Mourinyo shogirdlari Italiya chempionatining 12-turida “Verona” bilan kuch sinashdi (3:1).
Hozirda rimliklar hisobida 25 ochko bor, ular “Lasio” va “Inter”dan oldinda – bu jamoalarda 24 ochko bor.
“Roma” A Seriyada “Inter” (2:1), “Lechche” (2:1), “Sampdoriya” (1:0) va “Verona”ga qarshi so‘nggi 5 o‘yinning 4 tasida g‘alaba qozongan. Bu davrdagi yagona mag‘lubiyat liga peshqadami "Napoli" bilan o‘yinda (0:1) yuz berdi.
“Roma” Italiya chempionatidagi navbatdagi o‘yinini 6 noyabr kuni “Lasio”ga qarshi o‘tkazadi. Bungacha “bo‘rilar” Yevropa ligasida “Ludogores” bilan o‘ynaydi.
