“Рома” А Серияда 4-ўринни эгаллаб турибди.
Жозе Моуриньо шогирдлари Италия чемпионатининг 12-турида “Верона” билан куч синашди (3:1).
Ҳозирда римликлар ҳисобида 25 очко бор, улар “Лацио” ва “Интер”дан олдинда – бу жамоаларда 24 очко бор.
“Рома” А Серияда “Интер” (2:1), “Лечче” (2:1), “Сампдория” (1:0) ва “Верона”га қарши сўнгги 5 ўйиннинг 4 тасида ғалаба қозонган. Бу даврдаги ягона мағлубият лига пешқадами "Наполи" билан ўйинда (0:1) юз берди.
“Рома” Италия чемпионатидаги навбатдаги ўйинини 6 ноябрь куни “Лацио”га қарши ўтказади. Бунгача “бўрилар” Европа лигасида “Лудогорец” билан ўйнайди.