"Manchester Yunayted"ning portugaliyalik himoyachisi Diogo Dalot "Barselona"ga o‘tmoqchi ekanligi haqidagi mish-mishlarga izoh berdi.
Uning so‘zlariga ko‘ra, hozir bunday narsalarni muhokama qilishning vaqti emas, chunki tez orada Jahon chempionati bo‘lib o‘tadi va transfer oynasi, o‘zingizga ma’lum, kelasi yilning yanvar oyidagina ochiladi.
"Menga "Manchester Yunayted"da o‘ynash yoqadi. Men hozir boshqa hech narsa haqida o‘ylamayman. Umuman olganda, hozir shartnoma holati haqida o‘ylashning vaqti emas. Biz jamoaning o‘yinini yaxshilash ustida ishlayapmiz", - deydi Diogo Dalot.
