"Манчестер Юнайтед"нинг португалиялик ҳимоячиси Диого Далот "Барселона"га ўтмоқчи эканлиги ҳақидаги миш-мишларга изоҳ берди.
Унинг сўзларига кўра, ҳозир бундай нарсаларни муҳокама қилишнинг вақти эмас, чунки тез орада Жаҳон чемпионати бўлиб ўтади ва трансфер ойнаси, ўзингизга маълум, келаси йилнинг январ ойидагина очилади.
"Менга "Манчестер Юнайтед"да ўйнаш ёқади. Мен ҳозир бошқа ҳеч нарса ҳақида ўйламайман. Умуман олганда, ҳозир шартнома ҳолати ҳақида ўйлашнинг вақти эмас. Биз жамоанинг ўйинини яхшилаш устида ишлаяпмиз", - дейди Диого Далот.
