Madridning “Atletiko” klubi himoyachisi Xose Ximenes jamoasining yevrokuboklarni tark etishi haqida fikr bildirdi.
"Biz uchun og‘ir vaqt bo‘ldi. Biz yomon o‘ynadik. "Portu" bilan o‘yinda nima bo‘lganini boshqa so‘nggi o‘yinlardagi kabi tushuntirib bera olmayman. Kelajakda vaziyatga ta’sir qilish uchun nima bo‘layotganini tushunishga harakat qilishimiz kerak.
Men bu o‘yinni tushunmadim. Bu fojia edi, tan olishim kerak. Haqiqat shundaki, mashg‘ulotlarda bor kuchimizni beramiz, qattiq mehnat qilamiz, lekin hech narsa sodir bo‘lmaydi. Bu Chempionlar Ligasi, bu yerda xatolarga yo‘l qo‘yib bo‘lmaydi", - deydi Ximenes.
