"Tottenxem" hujumchisi Xarri Keyn jamoasining Chempionlar ligasi pley-off bosqichiga chiqqani haqida fikr bildirdi. Kecha, 1 noyabr kuni “shporlar” safarda “Marsel”ni 2:1 hisobida mag‘lub etdi va guruhda birinchi o‘rinni qo‘lga kiritdi.
“Jahon chempionati oldidan buni qilish biz uchun juda muhim edi. Agar biz pley-offga chiqa olmay qolganimizda, bu juda og‘riqli zarba bo‘lardi, chunki jahon chempionatidan qaytish va Yevropa ligasida o‘ynash umuman siz istagan narsa emasligini bilasiz. Shuning uchun biz uchun oldinga borish juda muhim edi.
Jahon chempionatigacha hali uchta o‘yin bor, shuning uchun umid qilamanki, Marseldagi g‘alabadan foydalanib, ushbu bosqichni ishonch bilan yakunlay olamiz. Agar biz Premyer-ligadagi uchrashuvlarda g‘alaba qozonib, Liga kubogida oldinga borsak, bu mavsumning juda yaxshi yarmi bo‘ladi", - deya Keyn so‘zlarini keltirmoqda The Sun.
