"Milan" yarim himoyachisi Sandro Tonali jamoadoshi Ismoil Bennaser bilan shartnoma borasidagi vaziyatga izoh berdi. Eslatib o‘tamiz, futbolchining "rossonerilar" bilan shartnomasi mavsum oxirida yakuniga yetadi.
"Bennaser - maydondagi barcha uchun namuna. Biz uni tez-tez qidiramiz, chunki u tezlik bilan o‘yinni "o‘qiy" oladi. Umid qilamanki, Ismoil klub bilan yangi shartnoma borasida kelisha oladi. U bu yerda o‘zini ajoyib his qilmoqda, biz ham u bilan bir-birimizni yaxshi tushunamiz", - dedi Tonali Football Italia bilan suhbatda.
Bu mavsumda Bennaser Italiya A Seriyasida bitta gol urdi. 24 yoshli fransiyalik futbolchi 2019 yili “Empoli”dan ko‘chib o‘tgan.