Superliga 24-turidan o‘rin olgan “Olimpik” – “Metallurg” (2:1) o‘yinidan so‘ng mehmonlar bosh murabbiyi Luisma Ernandes “Olimpik”ni nima uchun olqishlashi va o‘z futbolchisiga ko‘rsatilgan qizil kartochka haqida gapirdi.

“Olimpik” qanday o‘ynashini tahlil qilib chiqqan edik. Birinchi taymda hotirjam o‘ynashga intildik. Raqibning birinchi golida raqib futbolchisi biroz ichkariga kirgandek tuyuldi. Bugungi g‘alaba bilan raqibni tabriklayman. Ular juda yaxshi jamoa. Terma jamoalar uchun o‘yinchi etishtirib berishayapti. Ularga hamisha omad yor bo‘lsin”, - deydi Ernandes.

“Keyingi turlarda ham VAR ishlamasa, chempionat darajasiga ta’sir ko‘rsatmasdan qolmaydi. Umuman olganda, bugun futbolchilarim ko‘rsatgan o‘yinni olqishlayman. Bir kishi kam o‘ynashlariga qaramay hisobni tenglashtirish uchun astoydil harakat qilishdi”

“Abror Toshqo‘ziyev agressiv o‘ynadi, deb ayta olmayman. U shiddatkor futbol namoyish etdi. Bunday holat har ikki jamoada kuzatildi”.