"Chelsi" bosh murabbiyi Grem Potter yarim himoyachi Denis Zakariyaning Chempionlar ligasi doirasida Zagrebning "Dinamo" jamoasiga qarshi uchrashuvdagi o‘yini haqida fikr bildirdi.
Eslatib o‘tamiz, bu o‘yin shu yozda Turinning "Yuventus" klubidan ijara asosida "ko‘klar" safiga qo‘shilgan shveysariyalik futbolchi uchun debyut bo‘ldi. "Dinamo" jamoasiga qarshi o‘yinda Zakariya g‘alaba to‘pini kiritdi, ammo keyin ikkinchi bo‘limda raqib bilan kuchli to‘qnashuvdan so‘ng almashtirildi.
"Zakariya ajoyib o‘yin ko‘rsatdi. U ishtiyoq bilan harakat qildi, uning fazilatlari maydonda yaqqol ko‘rinib turardi. U yaxshi, jarohati yo‘q. Bu shunchaki oyog‘iga zarba bo‘ldi", - dedi Potter matbuot anjumanida.
