"Челси" бош мураббийи Грэм Поттер ярим ҳимоячи Денис Закариянинг Чемпионлар лигаси доирасида Загребнинг "Динамо" жамоасига қарши учрашувдаги ўйини ҳақида фикр билдирди.
Эслатиб ўтамиз, бу ўйин шу ёзда Туриннинг "Ювентус" клубидан ижара асосида "кўклар" сафига қўшилган швейцариялик футболчи учун дебют бўлди. "Динамо" жамоасига қарши ўйинда Закария ғалаба тўпини киритди, аммо кейин иккинчи бўлимда рақиб билан кучли тўқнашувдан сўнг алмаштирилди.
"Закария ажойиб ўйин кўрсатди. У иштиёқ билан ҳаракат қилди, унинг фазилатлари майдонда яққол кўриниб турарди. У яхши, жароҳати йўқ. Бу шунчаки оёғига зарба бўлди", - деди Поттер матбуот анжуманида.
