«Navbahor» Superliga 2022 yilgi mavsumida kamida to‘rtinchi o‘rinni naqd qildi va bu orqali Chempionlar Ligasining kelasi mavsumi yo‘llanmasiga ega chiqdi.

«Qizilqum» 24-tur bahsi doirasida «Qo‘qon-1912» bilan durang o‘ynadi va 5-o‘rindan yuqoriga ko‘tarila olmasligi aniq bo‘ldi. Navoiy jamoasi hisobida 36 ochko mavjud.

3 noyabr kuni 24-tur doirasida «Lokomotiv»ga qarshi o‘ynaydigan «Navbahor»da esa 44 ochko mavjud. Namangan klubi chempionlik uchun ham imkoniyatni saqlab turibdi.

Qayd etish kerak, «Navbahor» o‘z tarixida ilk bor Chempionlar Ligasi yo‘llanmasini qo‘lga kiritdi.

Eslatib o‘tamiz, O‘zbekiston klublariga OCHL 2023/24 yilgi mavsumi uchun «2+2» kvota ajratilgan. «Nasaf» O‘zbekiston Kubogidagi g‘alaba orqali Chempionlar Ligasi guruh bosqichiga to‘g‘ridan-to‘g‘ri yo‘llanmaga ega bo‘ldi. Chempion ham to‘g‘ridan-to‘g‘ri guruh bosqichiga yo‘l oladi. Agar chempionlik «Nasaf»ga nasib etadigan bo‘lsa, kumush medal sohibi ushbu yo‘llanmaga ega chiqadi. Qolgan ikkita yo‘llanma egasi esa pley-offda ishtirok etadi.

Ayni vaqtda musobaqa jadvali quyidagi ko‘rinishni olgan:

№		Jamoa	O‘yin	G‘alaba	Durang	Mag‘-yat	T-N	Ochko
1		Paxtakor	24	13	9	2	39-18	48
2		Nasaf	23	12	10	1	36-13	46
3		Navbahor	23	12	8	3	27-14	44
4		AGMK	24	12	5	7	37-20	41
5		Qizilqum	24	11	3	10	32-29	36
6		So‘g‘diyona	24	9	6	9	28-27	33
7		Olimpik	24	6	14	4	29-22	32
8		Metallurg	24	8	8	8	18-23	32
9		Bunyodkor	23	7	7	9	26-34	28
10		Neftchi	24	6	8	10	27-32	26
11		Surxon	23	7	5	11	23-35	26
12		Qo‘qon-1912	24	4	10	10	21-35	22
13		Lokomotiv	23	5	5	13	17-31	20
14		Dinamo	23	1	6	16	18-45	9