“Napoli” yarim himoyachisi Xvicha Kvarasxeliya jinoyatchilar qurboniga aylandi.

Corriere dello Sport xabariga ko‘ra, gruziyalik futbolchining Neapolda Mini Countryman avtomobiliga hujum uyushtirilgan.

Manbaga ko‘ra, Xvicha payshanba kuni mashg‘ulot oldidan polisiyaga voqea haqida xabar bergan.

Aytish joizki, Italiyada futbolchilarga o‘g‘irlik bilan ko‘p bora hujum qilinmoqda. Yaqinda jinoyatchilar Anxel di Mariyaning Turindagi uylariga, shuningdek, Milanda Teo Ernandesning uyiga bostirib kirishga harakat qilishdi. Bunday holatlar ko‘p bo‘lgan.

2022/2023-yilgi mavsumda Xvicha Kvarasxeliya “Napoli” safida 17 uchrashuvda 8 ta gol urdi va 10 ta golli uzatmani amalga oshirdi.