"Yuventus" himoyachisi Daniloning fikricha, uning jamoasi yetakchilar orasida anchagina katta farq bo‘lishiga qaramay, Italiya chempionatida g‘alaba qozonish imkoniyatini yo‘qotmagan.
Uning fikricha, rahbariyat va futbolchilar o‘z oldiga ulkan maqsad qo‘yishlari muhim omildir.
"Peshqadamdan o‘n ochko ortda qolyapmiz. "Yuventus"dek jamoa doimo maksimal harakat qilishi, g‘alabani maqsad qilib qo‘yishi kerak.
Biz qiyinchiliklarni boshdan kechirayotganimiz aniq, lekin biz oldimizga katta maqsad qo‘yib, unga so‘nggi paytlarda ko‘rsatgan fidoyilik bilan intilishimiz kerak", deydi Danilo.
