Namanganning "Navbahor" klubi sobiq bosh murabbiyi Andrey Kanchelskis Rossiya terma jamoasiga qarshi o‘yin oldidan O‘zbekiston terma jamoasi haqida o‘z fikrlarini bildirib o‘tdi.
"O‘zbekiston yaxshi jamoa. U yerda ishlaganimda "Navbahor" futbol klubi safida yoshlar va milliy terma jamoalarda o‘ynagan futbolchilar ko‘p edi. Agar ular jasorat topsa, ular bilan o‘ynash qiyin bo‘ladi, texnik tarafdan kuchli futbolchilar yetarli. Qolaversa, ular o‘z uylarida o‘ynashadi: ko‘pchilik O‘zbekiston va Rossiya terma jamoalariga kelib ko‘rishni xohlaydi. O‘yin qiziqarli bo‘ladi deb o‘ylayman.
Kimdir O‘zbekistonni kuchsiz raqib deydi? Men bunday demagan bo‘lardim. Agar raqibni ko‘rmagan bo‘lsangiz, qanday baho bera olasiz? Ular Yevropa futbolini emas, Osiyoni ifodalaydi. O‘yindan so‘ng ular muhokama qilish kerak. Kuchsiz raqib... Unda kuchli raqiblar topishsin. Siz xohlagan narsani aytishingiz mumkin" - dedi Kanchelskis.
Rossiya terma jamoasi 20 noyabr kuni O‘zbekiston terma jamoasi bilan o‘ynaydi. Uchrashuv Toshkentdagi “Paxtakor” markaziy stadionida bo‘lib o‘tadi.
