"Leypsig" hujumchisi Kristofer Nkunku ketma-ket beshta o‘yinda gol urdi.
2021/22 yilgi Bundesliganing eng yaxshi futbolchisi "Xoffenxaym"ga qarshi o‘yinda (3:1) dubl qayd etdi.
22 oktyabrdan buyon fransiyalik futbolchi Germaniya chempionati va Chempionlar ligasida 6 ta gol urdi.
Bundesliganing 13 turida 11 ta gol urgan Nkunku liga to‘purarlari ro‘yxatida Markus Tyuram ("Borussiya Gladbax") va Niklas Fyulkrug ("Verder")ni 2 ta gol farqi bilan ortda qoldirib, birinchi o‘rinda bormoqda.