JCH-2022da ishtirok etuvchi mamlakatlar futbol federasiyalari FIFA murojaatiga javoban bayonot berdi.

“Qatarda bo‘lib o‘tadigan futbol bo‘yicha jahon chempionati boshlanishidan oldin, biz futbol maydoniga chiqmasdan oldin, mezbon mamlakatdagi muammolar bilan bog‘liq so‘nggi voqealar va ommaviy muhokamalarga javob bermoqchimiz.

Avvalgidek, biz Qatar tomonidan erishilgan yutuqlar, ayniqsa mehnat muhojirlari huquqlari va Xalqaro mehnat tashkilotining so‘nggi hisobotlarida ko‘rsatilgan qonunchilikdagi o‘zgarishlarning ta’sirini tan olamiz va olqishlaymiz.

Biz Qatar hukumati va FIFAning jahon chempionatiga boradigan barcha muxlislar, shu jumladan LGBT va uning vakillari xavfsizligi hamda ishtirok etishiga oid kafolatlarini mamnuniyat bilan qabul qilamiz.

Shuningdek, biz har bir davlatning muammolari borligini tan olamiz va biz FIFA bilan xilma-xillik bor ekanligiga qo‘shilamiz. Biroq, xilma-xillik va bag‘rikenglikni qabul qilish inson huquqlarini qo‘llab-quvvatlashni ham anglatadi. Inson huquqlari universaldir va ular hamma joyda amal qiladi.

Biz futbolning jahondagi progressiv barqaror o‘zgarishlarga yanada ijobiy va ishonchli hissa qo‘shish qobiliyatiga ishonamiz”, - deyiladi Angliya, Uels, Germaniya, Portugaliya, Niderlandiya, Belgiya, Daniya, Shveysariya, shuningdek, Norvegiya va Shvesiya federasiyalari kabi Jahon chempionatida o‘ynamaydigan terma jamoalarning qo‘shma bayonotida

Avvalroq FIFA JCH-2022 ishtirokchilarini siyosatga emas, futbolga e’tibor qaratishga chaqirgandi.