"Paxtakor"ning "Qizilqum" bilan o‘zaro to‘qnashuvlarda to‘ng‘ich Tojiyev to‘purar hisoblanadi.
Jamoalar oliy ligada 2000 yilgi mavsumdan boshlab to‘qnash kelishni boshlashgan. Ilk bahs Zarafshon shahrida o‘tib, unda 1:1 hisobi qayd etilgan. Mezbonlardan Aleksey Nikolayev, "Paxtakor"dan Sobir Xodiyev gol muallifiga aylangan.
O‘zaro uchrashuvlarda eng ko‘p to‘p kiritgan futbolchi Zayniddin Tojiyev sanaladi. U "Qizilqum" darvozasiga 8 gol urishga muvaffaq bo‘lgan. Dragan Cheran 7 gol muallifi bo‘lgan. Stanislav Andreev va Igor Sergeev hisobida 6tadan to‘p mavjud. Aleksandr Geynrix va Odil Ahmedov 5tadan, Anvar Soliyev hamda Kaxi Maxaradze 4tadan golga mualliflik qilgan.
Aleksey Nikolayev har ikki jamoa tarkibida raqib darvozasiga to‘p kiritgan futbolchi hisoblanadi. U 2000 yil "Paxtakor", 2003 yil "Qizilqum"ga gol urgan.
O‘zaro o‘yinlar to‘purarlari
8 - Zayniddin Tojiyev
7 - Dragan Cheran
6 - Stanislav Andreev, Igor Sergeev
5 - Aleksandr Geynrix, Odil Ahmedov
4 - Anvar Soliyev, Kaxi Maxaradze.
