La Liganing 13-turida “Rayo Valyekano” o‘z maydonida “Real”ni mag‘lub etdi (3:2).

5-daqiqada Santi Komesanya mezbonlarni hisobda oldinga olib chiqdi. 37-da Luka Modrich penaltini golga aylantirgan bo‘lsa, 41-da Eder Militao burchakdan uzatilgan to‘pni darvozaga kiritdi. 44-daqiqada o‘yinda Alvaro Garsiya hisobni tenglashtirdi.

Ikkinchi bo‘limda Daniel Karvaxalning qo‘l bilan to‘pi uchun “Real” darvozasiga penalti belgilandi. Tibo Kurtua zarbani qaytardi, biroq to‘p tepilish chog‘ida u darvoza chizig‘ini muddatidan oldin tark etganligi sababli 11 metrlik jarima zarbasi qayta tepildi. Oskar Trexo ikkinchi urinishida penaltini golga aylantirdi.

Bu Karlo Anchelotti jamoasining Ispaniya chempionatining joriy mavsumidagi ilk mag‘lubiyati bo‘ldi.

Rayo Valyekano – Real Madrid 3:2 (2:2, 1:0)

Gollar: 1:0 – 5 Komesanya, 1:1 – 37, penaltidan Modrich, 1:2 – 41 Militao, 2:2 – 44 Garsiya, 3:2 – 67, penaltidan Trexo.

Rayo Valyekano – Dimitriyevski, Baliu, Lejen, Katena, Fran Garsiya, Trexo (Unai Lopes, 71), Garsiya (Salvi Sanches, 88), Palason (Chavarriya, 88), Komesanya (Siss, 79), Oskar Valentin, Kamelyo (Falkao, 88).

Real Madrid – Kurtua, Karvaxal (Vaskes, 85), Alaba, Militao, Mendi (Nacho, 85), Modrich (Mariano Dias, 79), Valverde, Tchuameni (Kamavinga, 69), Asensio, Vinisius Junior, Rodrigo.

Ogohlantirishlar: Katena (2), Vinisius Junior (11), Trexo (48), Modrich (60), Karvaxal (65), Rodrigo (70), Baliu (87), Chavarriya (90), Vaskes (90).

Chetlatish: Iraola (61).